पूर्वमिस नेपाल सदीक्षा श्रेष्ठले खोलेको कफी फिलियामा कामना सेवा विकास बैंकका ग्राहकलाई १० प्रतिशत छुट
काठमाडौं । पूर्वमिस नेपाल सदीक्षा श्रेष्ठले खोलेको कफी फिलियामा कामना सेवा विकास बैंकका ग्राहकहरुले १० प्रतिशत छुट पाउने भएका छन् ।
बैंकले काठमाडौंको ज्ञानेश्वरस्थित कफी फिलियासँग सोमबार सेवा शुल्क छुटसम्बन्धी सम्झौता गरेको हो ।
यस सम्झौताअनुसार कफी फिलियामा बैंकका कर्मचारी र ग्राहकहरुले फुड तथा बेभरेजमा १० प्रतिशत छुट प्राप्त गर्न सक्ने छन् ।
ग्राहकहरुले बैंकसँगको आबद्धता भएको प्रमाणको आधारमा यो सुविधा सहजै प्राप्त गर्न सक्ने बैंकले जनाएको छ ।
यस सम्झौताबाट बैंकसँग आबद्ध सम्पूर्ण ग्राहकले विशेष लाभ लिने बैंकले विश्वास लिएको छ ।
उक्त छुटसम्बन्धी सम्झौतामा बैंकका तर्फबाट मार्केटिङ प्रमुख पर्मा ढुङ्गेल र क्याफेका फ्रान्चाइज ओनर सदीक्षा श्रेष्ठेले हस्ताक्षर गरेकी थिइन् ।
