हालसम्मकै उच्च मूल्यबाट घट्यो सुनको मूल्य, प्रतितोला कति ?

काठमाडौं, ८ कात्तिक । केही दिनदेखि लगातार नयाँ रेकर्ड बनाउँदै गएको सुनको मूल्यमा बिहीबार भने गिरावट आएको छ ।

अन्तर्राष्ट्रिय बजारमा सुनको मूल्यमा केही घटेसँगै बिहिबार नेपाली बजारमा पनि सुनको मूल्यमा न्यूनता आएको हो । 

बिहिबार सुनको मूल्य प्रतितोला १ लाख ६० हजारमा किनबेच भइरहेको नेपाल सुनचाँदी व्यवसायि महासंघले जनाएको छ ।

बुधबार तोलाको एक लाख ६६ हजार ७०० रुपैयाँमा कारोबार भएर अहिलेसम्मकै उच्च मूल्य पुगेको सुन बिहिबार तोलामा ७०० रुपैयाँले गिरावट भएको छ । 

यस्तै, बिहीबार चाँदीको मूल्य पनि तोलामा ४० रुपैयाँले घटेको छ । बुधबार तोलाको २१३५ रुपैयाँमा खरिदबिक्री भएको चाँदी बिहिबार २०९५ मा कारोबार भइरहेको छ ।