सरकारी १० निकायका कोषमा ४० अर्बभन्दा बढी थन्किँदा वित्तीय जोखिम
काठमाडौं । सरकारी स्वामित्वका १० वटा निकायहरूले कर्मचारी उपदान, निवृत्तभरण, अवकाश सुरक्षा तथा औषधि उपचार खर्चका लागि खडा गरेका कोषमा मात्रै ४० अर्बभन्दा बढी रकम मौज्दात रहेको पाइएको छ।
अध्ययनअनुसार, यी कोषहरूमा राष्ट्रिय वाणिज्य बैंकसँग २५ अर्ब ७१ करोड, कृषि विकास बैंकमा १२ अर्ब २० करोड, नेपाल वायुसेवा निगममा ६१ करोड र सार्वजनिक सेवा प्रशारण नेपालमा ४२ करोड रुपैयाँ रहेको छ।
निकायहरूले कर्मचारी सुविधा भुक्तानीका लागि आफैं व्यवस्थापन गरेको यस रकम अन्य प्रयोजनमा प्रयोग भएमा अवकाश दायित्व पूरा गर्न समस्या आउन सक्ने अध्ययनले देखाएको छ।
बाँकी कोषहरू नेपाल पर्यटन बोर्ड, नेपाल धितोपत्र बोर्ड, खानेपानी संस्थान, जडीबुटी प्रशोधन कम्पनी र काठमाडौं उपत्यका खानेपानी बोर्डमा समेत रकम मौज्दात रहेको छ।
यस पहलले सरकारी निकायहरूको वित्तीय व्यवस्थापन र कर्मचारी भुक्तानी प्रणालीको पारदर्शिता तथा दायित्व व्यवस्थापनमा सुधारको आवश्यकता औँल्याएको छ।
