सुनको मूल्यमा झिनो गिरावट
![सुनको मूल्यमा झिनो गिरावट](https://snowberry.prixacdn.net/media/gallery_folder/pexels-photo-248077_dqoqif2jN4_mxziw0twht0wkrup8ofggjdjpqsjumptiwgvnhwrwds5q7fyeeyiquzfskzg_mUIVfJI1Ua_wltqvohuwa0hexlrk8lrrot1jz2njv7igvhoqrqb67pblc1eqdharfqjeb0i.jpeg)
काठमाडौँ, २१ जेठ:
स्थानीय बजारमा पहेँलो धातुको मूल्य तोलामा रु एक हजारले ओरालो लागेको छ । नेपाल सुनचाँदी व्यवसायी महासङ्घका अनुसार छापावाला सुन आइतबार प्रतितोला रु एक लाख ४२ हजारमा कारोबार भएकामा आजका सोही परिमाणको सुनको मोल रु एक लाख ४१ हजार निर्धारण भएको छ । यसैगरी, तेजाबी सुन आइतबार प्रतितोला रु एक लाख ४१ हजार तीन सयमा कारोबार भएकामा आज त्यति नै परिमाणको सुनको मूल्य रु एक लाख ४० हजार तीन सय निर्धारण भएको छ । महासङ्घले चाँदीको मूल्य तोलामा रु १५ ले घटेको बताएको छ । आइतबार प्रतितोला रु एक हजार आठ सय ५० मा कारोबार भएको चाँदी आज रु एक हजार आठ सय ३५ मा खरिदबिक्री हुँदैछ । राष्ट्रिय समाचार समिति (रासस)