विश्व बैंकका वरिष्ठ प्रबन्ध निर्देशक नेपाल भ्रमणमा

काठमाडौं, असार ३

विश्व बैंकका वरिष्ठ प्रबन्ध निर्देशक एक्सेल भ्यान ट्रोटसेनबर्ग नेपाल भ्रमणमा आएकाछन् । भ्रमणका क्रममा सरकार र अन्य साझेदारहरूसँग भेट गर्न र कम आय भएका देशहरूका लागि विश्व बैंक कोषको तेस्रो पुनः पूर्ति बैठकको अध्यक्षता गर्न आज काठमाडौँ आइपुगेका छन् । आफ्नो पाँच दिने भ्रमणको एक हिस्साको रूपमा, जुन १७ मा, ट्रोटसेनबर्गले आरटीसँग भेट्ने छन् ।  प्रधानमन्त्री पुष्प कमल दाहाल, अर्थमन्त्री वर्षा मान पुन, मुख्य सचिव बैकुण्ठ आर्यल र विकास साझेदारहरूसंग भेट्ने कार्यक्रम रहेको बिश्व बैंकले जानकारी दिएको छ । 

नेपाल सरकारले काठमाडौँमा जुन १८–२१ मा आयोजना गर्ने तेस्रो आइडिए २१ पुनःपूर्ति बैठकको अध्यक्षता ट्रोटसेनबर्गले गर्नेछन् । अन्तर्राष्ट्रिय विकास संघ (आइडिए) विश्वको न्यून आय भएका देशहरूलाई सहयोग गर्ने विश्व बैंकको एउटा अङ्ग हो । सन् २०२४ मा, आइडिएले विश्वव्यापी विकास लक्ष्यहरू पुरा गर्न प्रयोग गरिने स्रोतहरू पुनःपूर्ति गर्न दाताहरू र ऋण लिने देशहरूसँग काम गरिरहेको छ । आईडिए २१–१९६० पछि २१ औं पुनःपूर्ति राउन्ड–एक रहन योग्य ग्रहमा गरिबी अन्त्य गर्न काम गर्नेछ ।  

काठमाडौँमा चार दिने आइडिए–२१ को बैठकमा ६५ वटा दाता सरकारका अधिकारी तथा ऋण लिने सदस्य राष्ट्रका प्रतिनिधिहरू भेला हुनेछन् जसले प्रस्तावित आइडिए–२१ नीति केन्द्रित क्षेत्रहरू–जनता, ग्रह, समृद्धि, पूर्वाधार र डिजिटलाइजेसनबारे छलफल गर्नेछन् । तिनीहरूले वित्तीय परिदृश्यहरू, यी परिदृश्यहरूलाई समर्थन गर्न आवश्यक दाता योगदानको स्तर र आइडिएद्वारा समर्थित देशहरूको वित्तीय आवश्यकताहरूको मूल्याङ्कन पनि हेर्नेछन् ।

पुनःपूर्ति बैठकको एक हिस्साका रूपमा त्रोटसेनबर्गले बागमती प्रान्तको रबियोपीमा आइडिए–वित्त पोषित भूकम्प आवास पुनर्निर्माण परियोजनाको पनि भ्रमण गर्नेछन् । तेस्रो आइडिए २१ पुनःपूर्ति बैठकमा विश्व बैंकका सञ्चालनका लागि प्रबन्ध निर्देशक अन्ना बिजेर्डे र विश्व बैंकका समूह प्रमुख वित्तीय अधिकारी तथा प्रबन्ध निर्देशक अंशुला कान्तसहित विश्व बैंक समूहका अन्य वरिष्ठ अधिकारीहरू पनि सहभागी हुनेछन् ।