संविधानलाई कमजोर बनाउन दिइँन्न : प्रधानमन्त्री
![संविधानलाई कमजोर बनाउन दिइँन्न : प्रधानमन्त्री](https://snowberry.prixacdn.net/media/gallery_folder/RS-KTM-1720765194834_U5wKqmEDPV_72yz4a4izwlcd2cioduzutejubinx4vgcqwehy2wixt5aevrckpud7ajimew_Qzksubac5b_pic7lhnbm17rtdpl1lhmexch88aiqunqfvsgm28oyk094rkrlikydsprsso0.jpg)
काठमाडौँ, २८ असार :
प्रधानमन्त्री पुष्पकमल दाहाल ‘प्रचण्ड’ले संविधानसभाबाट निर्मित संविधानमा नेपाल कम्युनिष्ट पार्टी (माओवादी केन्द्र) को सबैभन्दा ठूलो लगानी भएको उल्लेख गर्दै यसलाई माओवादीले कमजोर नबनाउने र बनाउन नदिने स्पष्ट पार्नुभएको छ ।
प्रतिनिधिसभाको आजको बैठकमा आज विश्वासको मत लिने क्रममा उहाँले विश्वासको मतका लागि संविधानले प्रधानमन्त्रीलाई एक महिनाको समय दिएको भन्दै आउने दिनमा पनि संविधानको रक्षाका लागि आफू नेतृत्वको पार्टी निरन्तर लागिपर्ने बताउनुभयो । “यो संविधानमा माओवादी केन्द्रको सबैभन्दा ठूलो लगानी छ ।
त्यसैले यसलाई माओवादीले कमजोर बनाउँदैन र बनाउन पनि दिँदैन”, प्रधानमन्त्री दाहालले भन्नुभयो, “उत्पीडित वर्ग, क्षेत्र, लिङ्ग, समुदायको दशक लामो विद्रोह र त्यसपछिका आन्दोलनको जगमा बनेको यो संविधानलाई सडकमा पलेटी कसेर जनताको साथ लिएर बचाइएको हो र आउने दिनमा पनि त्यसरी नै बचाइने छ ।”
राष्ट्रिय समाचार समिति (रासस)