इंग्ल्याण्डमाथि नेपालको ऐतिहासिक जित, सन्दीप जाेरा नायक
१६ कात्तिक, काठमाडौं । नेपालले हङकङ सिक्सेस क्रिकेट प्रतियोगितामा शुक्रबार इंग्लयाण्डमाथि ऐतिहासिक जित निकालेको छ ।
कप्तान सन्दिप जोराको विष्फोटक ब्याटिङ प्रदर्शनमा नेपालले तीन पटकको च्याम्पियन इंग्ल्याण्डलाई पहिलो खेलमै ६ विकेटले हराएको हो ।
नेपालको जितमा जोरा नायक रहे । उनले ५० रन बनाएपछि नेपालले ९८ रनको जितको लक्ष्य कुनै पनि क्षतिबिना नै ४.२ ओभरमा पूरा गर्यो ।
पहिलो पटक हङकङ सिक्सेस प्रतियोगितामा सहभागी नेपालले गज्जबको सुरुवात थालेको छ । जोराले १२ बल खेल्दै ३ चौका र ६ छक्का मदतमा ५० रन बनाए । अर्धशतकपछि उनी आउट भएका थिए ।
