काभ्रेको रोशीमा एक महिला मृत भेटिइन्
काभ्रे, १७ कात्तिक । काभ्रेको रोशी गाउँपालिका-३ भन्ज्याङ गाउँमा एक महिला मृतअवस्था भेटिएकी छिन् । सोही ठाउँकै ६६ वर्षीय माइली लामा मृत अवस्थामा भेटिएकी हुन् ।
जिल्ला प्रहरी कार्यालय काभ्रेको प्रमुख एसपी बसुन्धरा खड्काका अनुसार, शुक्रबार साँझ करिब ४ बजे लामा आफ्नै घरमा टाउकोमा चोट लागेको अवस्था मृतक फेला परेको हो ।
घटनाको अनुसन्धानका लागि टोली अहिले घटनास्थलमा पुगिसकेको उनले जानकारी दिइन् ।
घटनाको प्रारम्भिक अनसन्धानमा महिलाको हत्या भएको हुन सक्ने आशंका गरिएको र थप अनुसन्धान गरिरहेको प्रहरीले जनाएको छ ।
