नेपालले कुवेतलाई दियो १३१ रनको चुनौती
काठमाडौं, २२ कात्तिक। आईसीसी यू–१९ महिला टी–२० विश्वकप एसिया छनोट अन्तर्गत जारी दोस्रो खेलमा नेपालले कुवेत समक्ष जितका लागि १३१ रनको चुनौती पेस गरेको छ ।
दुबईस्थित दी सेभेन्स स्टेडियममा टस जितेर पहिले ब्याटिङ राजेको नेपालले निर्धारित २० ओभरमा ८ विकेटको क्षतिमा १३० रनको योगफल तय गरेको हो ।
नेपालक लागि कप्तान पुजा महतोले ३८ बलमा ४ चौकाको मद्दतले सर्वाधिक ३४ रन बनाइन् । यस्तै, साना प्रविनले १८ बलमा ५ चौकासँगै २५ रन जोडिन् ।
ज्योत्सनिका मरासिनीले पनि १८ बल खेलेर २३ रनको योगदान दिइन् । एलिसा कुमारी यादवले १५ रन बनाइन् ।
