मधेसमा उपनिर्वाचन हुने स्थानीय तहमा कांग्रेसले खटायो नेता

काठमाडौं, २६ कात्तिक । नेपाली कांग्रेसले मधेस प्रदेशमा रहेका स्थानीय तहमा हुने उपनिर्वाचन तयारीका लागि नेता खटाएको छ । मधेस प्रदेश समितिको बैठकले नेताहरुलाई जिल्लागत जिम्मेवारी दिएको छ । 

धनुषामा मधेसका पूर्वमन्त्री मा रामशरोज यादव, सप्तरीमा महामन्त्री उपेन्द्र यादव र सहमहामन्त्री पर्शुराम चौधरी, महोत्तरीमा नरेन्द्र यादव, रौतहटका लागि सहमहामन्त्री जयनारायण यादव, प्रदेश सदस्य सूर्यबहादुर थापालाई जिम्मेवारी तोकेको हो । 

मंसिर १६ मा हुने उपनिर्वाचनमा मधेशमा सप्तरी २, धनुषा १, महोत्तरी १ र रौतहट ३ का गरी ७ वटा वडाअध्यक्षका लागि निर्वाचन हुँदैछ।

प्रदेश समिति बैठकले निर्वाचन हुने वडामा उप समिती बनाई र परिचालन गर्ने निर्णय भएको मधेस प्रदेशका प्रचार विभाग प्रमुख नितेश गुप्ताले जानकारी दिए। उक्त बैठकले आवश्यकता अनुसार प्रचारप्रसार समिति गठन गर्ने निर्णय गरेको हो । 

गुप्ताका अनुसार पार्टी केन्द्रबाट सञ्चालित १०० दिने केन्द्रीय अभियान र क्रियाशील सदस्यता वितरण सहितका विषयमा छलफल गरिएको छ । 

तल्लो तहसम्म कांग्रेस एमालेको संयन्त्र बनाउने केन्द्रको निर्णय अनुसार कांग्रेसका मधेस प्रदेश सभापति कृष्ण यादवको संयोजकत्वमा तीन सदस्य संयन्त्र बनाइएको छ । सरकारलाई सफल वनाउन स्तरीय दुई दलीय राजनीतिक संयन्त्र गठन गरिएको कांग्रेसले जनाएको छ ।