एनपीएलका खेल स्टार स्पोर्ट्सबाट प्रत्यक्ष प्रसारण हुने
काठमाडौं, ३० कात्तिक । नेपाल प्रिमियर लिग (एनपीएल) स्टार स्पोर्ट्स च्यानलबाट प्रत्यक्ष प्रसारण गरिने भएको छ ।
आज (शुक्रबार) एक कार्यक्रम आयोजना गरी आयोजक क्रिकेट संघ (क्यान)ले खेल क्षेत्रको प्रशिद्ध टेलिभिजन स्टार स्पोर्ट्सबाट प्रत्यक्ष प्रसारण हुने जानकारी दिएको हो ।
स्टार स्पोर्ट्सबाट एनपीएलको प्रत्यक्ष प्रसारण गरिने क्यान सचिव पारस खड्काले जानकारी दिएका हुन् ।
८ टोली सहभागी रहने एनपीएलको पहिलो संस्करण मंसिर १५ देखि पुस ६ गतेसम्म चल्ने बताइएको छ । यस्तै, नेपाल प्रिमियर लिग (एनपीएल) को मुख्य प्रायोजकमा सिद्धार्थ बैँक रहेको छ ।
शुक्रबार एक कार्यकम आयोजना गर्दै क्यानले सिद्धार्थ बैक टाईटल स्पोनसर रहेको जनाएको छ । सिद्धार्थ बैँक टाइटल स्पोनसर रहेको क्यानका सचिव पारस खड्काले जानकारी दिए ।
