विराटनगरले दिएको १२८ रनको लक्ष्य पछ्याउँदै जनकपुर, एकै बलमा जोड्यो ११ रन

काठमाडौं, १५ मंसिर । नेपाल प्रिमियर लिग (एनपीएल) को उद्घाटन सत्रको  विराटनगर किंग्स र जनकपुर बोल्ट्सबीच जारी खेलमा एकै बलमा ११ रन बनेको छ ।

विराटनगरले पेश गरेको १२८ रनको चुनौती पछ्याइरहेको जनकपुरले पहिलो बलमै ११ रन बनाएको  हो ।  विराटनगरका क्रिस सोलले पहिलो ओभर बलिङ गरेका हुन् ।

जनकपुरका कप्तान अनिल शाह स्ट्राइकमा थिए । पहिलो बल वाइड चौका हुँदा जनकपुरले ५ रन जोड्यो । त्यसपछि पनि सोलले वाइड बल फाल्दा विराटनगरले एक रन पायो । पहिलो बलको लेगल डेलीभरीमा ओभरथ्रो हुँदा जनकपुरले थप ५ रन बनाउँदै ११ रन बनायो । 

पहिलो ओभरमा जनकपुरले ११ रन जोड्दा १ विकेट गुमायो । आसिफ शेख खाता नखोली आउट हुन पुगे ।