एनपीएल: पहिलो जितको खोजीमा लुम्बिनी र पोखरा

काठमाडौं, २१ मंसिर । कीर्तिपुरमा जारी नेपाल प्रिमियर लिग (एनपीएल) को आजको खेलमा टस जितेर लुम्बिनी लायन्सले पोखराविरुद्ध पहिले ब्याटिङ गर्ने निर्णय गरेको छ । लुम्बिनीका कप्तान रोहित पौडेलले पहिले ब्याटिङ गर्ने निर्णय लिएका हुन् ।

आजको खेलमा लुम्बिनी र पोखरा दुवै टोली पहिलो जितको लागि प्रयास गर्नेछन् । 

लुम्बिनीको टिममा दुई फेरबदल भएको छ । बेन कटिङ र अर्जुन साउदको ठाउँमा उन्मुक्त चन्द र दिनेश अधिकारी पहिलो रोजाइमा खेलेका छन् ।

पोखराले लगातार दुई खेल पराजित भइसकेको छ भने लुम्बिनी आफ्नो पहिलो खेलमा हार व्यहोरेको थियो । 

यसअघि आजै बिहान भएको खेलमा कर्णालीले चितवन राइनोजमाथि रोमाञ्चक जित हात पारेको थियो ।