लुम्बिनीमाथि जनकपुरको १ रनको रोमाञ्चक विजय

काठमाडौं, २३ मंसिर । हर्श थाकरले उत्कृष्ट बलिङ गर्दै ५ विकेट लिएपछि जनकपुर रोयल्सले नेपाल प्रिमियर लिग (एनपीएल) मा लुम्बिनी लायन्समाथि १ रनको रोमाञ्चक जित निकालेको छ । 

थाकरले अन्तिम बलमा सन्दिप जोरालाई आउट गरेपछि जनकपुरले रोमाञ्चक जित हात पार्न सफल भएको हो ।

जनकपुरले दिएको १३७ रनको लक्ष्य पछ्याएको लुम्बिनीले २० ओभरमा ८ विकेटको क्षतिमा १३५ रन मात्र समेटियो  ।

लिगमा जनकपुरको यो लगातार चौथो जित हो । ४ खेलबाट ८ अंकका साथ जनकपुर शीर्ष स्थानमा उक्लेको छ ।