पीएल सिंहको पार्थिव शरीर अन्तिम श्रद्धाञ्जलीका लागि कांग्रेस केन्द्रीय कार्यालयमा राखियो

काठमाडौं, १ पुस। काठमाडौं महानगरपालिकाका पूर्वमेयर पीएल सिंहको पार्थिव शरीरलाई अन्तिम श्रद्धाञ्जलीका लागि कांग्रेस केन्द्रीय कार्यालय सानेपामा राखिएको छ । दिउँसो १२ बजेदेखि २ बजेसम्म केन्द्रीय कार्यालय सानेपामा श्रद्धाञ्जलीका लागि राखिएको हो ।

उनको पार्थिव शरीरमा पार्टी सभापति शेरबहादुर देउवाले पार्टीको झण्डा ओढाएका छन् । यस्तै, एकीकृत समाजवादीका अध्यक्ष माधव कुमार नेपालले पनि सानेपा पुगेर पीएल सिंहको पार्थिव शरीरमा श्रद्धाञ्जली अर्पण गरेका छन् । 

पार्टी मुख्यालय सानेपामा कांग्रेसका नेताहरू प्रकाशमान सिंह, अर्जुन नरसिंह केसी, सृजना सिंह, ललितपुरका महानगरका मेयर चिरीबाबु महर्जनलगायत अन्तिम श्रद्धाञ्जलीका लागि उपस्थित भएका छन् ।