मन्त्रिपरिषद् बैठक बस्दै, सहकारीको समस्याबारे छलफल हुने

काठमाडौं, ९ पुस ।  सहकारी संस्थामा देखिएका समस्याका सम्बन्धमा छलफल गर्न  मन्त्रिपरिषदको बैठक बस्दै छ । केहीबेरमा मन्त्रिपरिषद् बैठक बस्ने तयारी भइरहेको बालुवाटार स्रोतले बतायो । 

बैठकमा सहकारी संस्थाको समस्याका सम्बन्धनमा संसदीय छानबिन विशेष समितिले गरेको सिफारिसका विषयमा छलफल हुने भनिएको छ ।

एमाले सांसद सूर्य थापा नेतृत्वको समितिले सहकारी संस्थाको समस्या समाधानका लागि सहकारी प्राधिकरण गठन गर्न सुझाव सुझाएको थियो ।  समितिले सहकारी विभाग र बोर्ड खारेज गर्न पनि सुझाव दिएका थिए । 

तर, त्यसका लागि सहकारी ऐन नै संशोधन गर्नुपर्ने भएकाले त्यस सम्बन्धी सुझाव कार्यान्वयनमा आउन सकेको छैन । 

संसदीय समितिले ५ लाख सम्मका साना बचतकर्ताको रकम फिर्ता गर्न दिएको सुझाव समेत हालसम्म कार्यान्वयनमा गएको छैन ।