रोल्पामा १३ वर्षीया बालिकामाथि बलात्कार, एक जना पक्राउ

काठमाडौं, १२ पुस । रोल्पामा १३ वर्षीया बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा रोल्पाकै सुनछहरी गाउँपालिका–४ सिउरी बस्ने २२ वर्षीय हर्कबहादुर पुन मगर छन् ।

हर्कबहादुरले ती बालिकामाथि जबरजस्ती बलात्कार गरेको उजुरीको आधारमा प्रहरी चौकी कुलेलीबाट खटिएको प्रहरीले उनलाई पक्राउ गरेको हो ।

पक्राउ परेका हर्कमाथि बालिका बलात्कारको  कसुरमा अनुसन्धान  अघि बढाइएको प्रहरीले जनाएको  छ ।