तोलामा ५ सय रुपैयाँले सस्तियो सुनको मूल्य, चाँदीको कति ?
काठमाडौं, १४ पुस । साताको पहिलो कारोवारको दिन नेपाली बजारमा आज (आइतबार) सुनको भाउ सस्तिएको छ । आज छापावाला सुन तोलामा ५ सय रुपैयाँले घटेको नेपाल सुनचाँदी व्यवसायी महासङ्घले जनाएको हो ।
अघिल्लो कारोबारको दिन एक लाख ५० हजार ७ सय रुपैयाँमा कारोवार भएको सुन आज घटेर १ लाख ५० हजार २ सय रुपैयाँमा किनबेच भइरहेको छ ।
त्यस्तै, आज चाँदीको मूल्यमा पनि गिरावट आएको छ । आज चाँदीको भाउ तोलामा २५ रुपैयाँले घटेर १७ सय ९० रुपैयाँमा खरिदबिक्री भइरहेको महासंघले जनाएको छ ।
