काठमाडौंमा सरकारविरुद्ध आजपाको प्रदर्शन
काठमाडौं, १४ पुस । सरकारले मनोमानी कर लिइरहेको भन्दै आम जनता पार्टी (आजपा) ले विरोध प्रकट गर्दै काठमाडौंमा प्रदर्शन गरेको छ ।
काठमाडौंको कमलादीस्थित नेपाल प्रज्ञा प्रतिष्ठानबाट आज (आइतबार) सुरु भएको विरोध प्रदर्शन रत्नपार्क हुँदै पुनः कमलादीमै पुगेर सम्पन्न गरिएको छ ।
प्रदर्शनमा ‘कर आतंक बन्द गर, दलाल दलतन्त्र मुर्दावाद, जनता लुट्न पाइँदैन, भ्रष्ट सरकार चाहिँदैन’ जस्ता नाराहरुलगायतका सरकारविरुद्ध नाराबाजी गर्दै विरोध जनाएको हो ।
