बेवारिसे अवस्थामा भेटिएको स्कारपियो भन्सारमा बुझाइयो

रौतहट, २१ पुस । रौतहट प्रहरीले बेवारिसे अवस्थामा स्कारपियो गाडी बरामद गरेको छ ।  दुर्गा भगवती गाउँपालिक वडा नम्बर ३ मत्सरीको सडकबाट जिल्ला प्रहरी कार्यालयबाट खटिएको गस्ती टोलीले गाडी बरामद गरेको हो ।

उक्त गाडी चोरीपैठारी गरेर उक्त क्षेत्रमा चलाएको सूचनाका आधारमा पुगेको टालीले बेवारिसे अवस्थामा बरामद गरेको रौतहट प्रहरी निरीक्षक उमाशंकर प्रसादले जानकारी दिए । 

केहीसँग सोधपुछ गर्दा र हक दाबी गर्न कोही नआएकोले गौर भन्सार कार्यालयमा दाखिला गरिएको उनले बताए । भारतीय न ०१ पि ल ९३८७ को महिन्द्रा कम्पनीको सेतो रङ्गको स्कारपियो गाडी बरामद गरिएको उनको भनाइ छ । 

बरामद गरिएको उक्त गाडीको तीस लाख मूल्यांकन गरी भन्सारमा दाखिला गरिएको रौतहट प्रहरीले जनाएको छ ।