एकैदिन १२ सय रुपैयाँले बढ्यो सुनको मूल्य, कति छ बजार भाउ ?

काठमाडौं, ३ माघ । सुनको मूल्य आज तोलामा १ हजार २ सय रुपैयाँले बढेको छ ।

आज छापावाल सुनको मूल्य तोलाको एक लाख ५६ हजार ६०० रुपैयाँमा कारोबार भएको सुनचाँदी व्यवसायी महासंघले जनाएको छ । बुधबार तोलाको एक लाख ५५ हजार ४०० रुपैयाँमा कारोबार भएको थियो ।

आज चाँदीको मूल्य पनि बढेको छ । बुधबारको तुलनामा तोलाको ५० रुपैयाँले बढेको हो ।

बुधबार १८३० रुपैयाँमा कारोबार भएको चाँदीको मूल्य आज तोलाको १८८० रुपैयाँ कायम भएको महासंघले जनाएको छ ।