कांग्रेस संसदीय दलको अनुशासन समिति संयोजकमा बडू
काठमाडौं, ३ माघ । नेपाली कांग्रेसले संसदीय दलको अनुशासन समितिको संयोजकको जिम्मेवारी सांसद दिलेन्द्रप्रसाद बडूलाई दिइएको छ ।
संसदीय दलको कार्यसमिति र मन्त्रीहरूको संयुक्त बैठकले बडूलाई संयोजकमा नियुक्त गर्ने निर्णय गरिएको प्रमुख सचेतक श्याम घिमिरेले जानकारी गराए ।
घिमिरेका अनुसार, पार्टीबाट संसदीय समितिमा संयोजक तोकिएका तीन जनाको ठाउँ रिक्त भएकाले पदपूर्ति गरिएको हो ।
संसदीय दलसँग सम्बन्धित तीन निर्णय गरेको छ । संसदीय दल अनुशासन समिति दिलेन्द्रप्रसाद बडूको संयोजकत्वमा गठन गर्ने निर्णय भएको प्रमुख सचेतक श्याम घिमिरेले जानकारी गराए ।
संसदीय समितिमा १/१ जना संयोजक तोक्ने संसदीय दलको विधानको व्यवस्था अनुसार रिक्त भएका ठाउँमा पदपूर्ति गरिएको छ ।
अर्थ समितिमा संयोजक डा.प्रकाशशरण महत, लेखा समितिमा सञ्जय गौतम र कृषि समितिमा चन्दा चौधरीलाई पार्टीबाट संयोजक नियुक्त गरिएको नेपाली कांग्रेसले जनाएको छ ।
