स्वर्णलक्ष्मी सहकारी ठगी प्रकरण : पूर्वडीआईजी जोशी अदालतमा उपस्थित

काठमाडौं, ६ माघ । काठमाडौंस्थित स्वर्णलक्ष्मी सहकारीको रकम ठगी प्रकरणमा मुछिएका पूर्वडीआईजी छविलाल जोशी अदालतमा उपस्थित भएका छन् ।

कास्की जिल्ला अदालतले कास्कीस्थित सूर्यदर्शन सहकारी ठगी प्रकरणमा उनलाई ८८ लाख रुपैयाँ धरौटीमा रिहा गर्न आदेश दिएको थियो ।

धरौटी बुझाएर थुनामुक्त भएका उनी दुई हप्तापछि मात्र आइतबार काठमाडौं जिल्ला अदालतमा उपस्थित भएका हुन् ।

स्वर्णलक्ष्मी सहकारी ठगी प्रकरणमा रास्वपा सभापति रवि लामिछानेलाई काठमाडौं जिल्ला अदालतले ६० लाख रुपैयाँ धरौटीमा रिहा गर्न आदेश दिएको छ । अब जोशीको बयान हुनेछ ।