एमालेमै जाने भइयो, तर केही साथी माओवादीमा जान्छन्: वामदेव गौतम

काठमाडौं, ६ माघ । नेता वामदेव गौतमले आफूसहित 'नेकपा एकता राष्ट्रिय अभियान' को ठूलो समूह एमालेमा प्रवेश गर्ने बताएका छन् । तर, उनले बाँकी केही सदस्य माओवादी केन्द्रमा जाने संकेत समेत उनले गरे । 

आइतबार प्रधानमन्त्री तथा एमाले अध्यक्ष केपी शर्मा ओलीसँग बालुवाटार निवासमा भेटेका गौतमले अब आफू एमालेमै फर्किने निश्चित भएको बताएका हुन् ।

गौतमले प्रधानमन्त्री ओलीबाट छिटै मिति, समय र स्थानको जानकारी आउने समेत बताए । भेटवार्तापछि गौतमले अब आफू एमालेमै फर्किने पक्का भएको बताएका हुन् ।

प्रधानमन्त्री तथा एमाले अध्यक्ष ओलीले गौतमजस्तो इतिहास भएको पुरानो नेता फेरि सक्रिय भएर काम गर्ने अपेक्षा गरेका उनले बताए । 

अब एकीकृत समाजवादीसँग यो बीचमा गरेका वार्ताहरूको औचित्य सकिएको भन्दै नेता गौतमले एमालेमै लाग्ने बताए ।