माछापुच्छ्रे क्यापिटलको रक्तदान कार्यक्रम सम्पन्न

काठमाडौँ, ८ माघ । माछापुच्छ्रे क्यापिटल लिमिटेडले आफ्नो ५औँ वार्षिकोत्सवको अवसरमा राजधानीको बागदरबारस्थित कार्यालयमा रक्तदान कार्यक्रम सम्पन्न गरेको छ ।

क्यापिटलले सोमबार नेपाल रेडक्रस सोसाइटी, भृकुटी मण्डपसँगको सहकार्य तथा काठमाडौँ महानगरपालिकाको सहयोगरसमन्वयमा सम्पन्न गरेको हो ।

उक्त कार्यक्रममा जम्मा ५४ जनाले रक्तदान गरेका छन् । रगतको अभाव र विभिन्न आपतकालीन अवस्थामा यसको महत्वलाई ध्यानमा राख्दै यस्तो कार्यक्रम सञ्चालन गरिएको हो ।

कम्पनीले आफ्नो संस्थागत सामाजिक उत्तरदायित्व अन्तर्गत विभिन्न सेवामूलक कार्यक्रमहरू सम्पन्न गरेको र आगामी दिनमा पनि निरन्तरता दिँदै जाने प्रतिबद्धता व्यक्त गरेको छ ।