कञ्चनपुरमा प्रहरी जवानले आफैंमाथि चलाए गोली, गम्भीर घाइते

काठमाडौँ, १० माघ । कञ्चनपुरमा प्रहरी जवानले आफैँलाई गोली प्रहार गरेका छन् ।

बुधवार साँझ सुदूरपश्चिम प्रदेश विपद् व्यवस्थापन गुल्ममा कार्यरत जवान वकिल विष्टले आफैँमाथि गोली चलाएका हुन् ।

क्वार्टर गार्डमा सेन्ट्री ड्युटी बसेका विष्टले राइफलबाट आफैँमाथि प्रहार गरेको कञ्चनपुरका एसपी चक्रराज जोशीले रातोपाटीलाई बताए । उनको अवस्था गम्भीर छ ।

महाकाली अञ्चल अस्पतालबाट उनलाई  धनगढी रिफर गरिएको छ । विष्ट बेहोस भएको हुनाले गोली चलाउनुको कारण नखुलेको एसपी जोशीले बताए ।