ओली नेतृत्व सरकार लामो समय टिक्दैन : प्रचण्ड

सुर्खेत, १० माघ । प्रमुख प्रतिपक्षी दलका नेकपा माओवादी केन्द्रका अध्यक्ष पुष्पकमल दाहाल प्रचण्डले वर्तमान सरकार लामो समयसम्म नजाने दाबी गरेका छन् । तर, माओवादीको ध्यान अहिले सरकारमा जाने नभएको उनले दाबी गरेका छन् ।

सुर्खेत विमानस्थलमा सञ्चारकर्मीहरूसँग कुराकानी गर्दै प्रचण्डले अवैध ढंगले सरकार जन्मिएकाले पनि यो सरकार धेरै लामो समयसम्म नजाने बताएका हुन् ।

पूर्वप्रधानमन्त्री समेत रहेका प्रचण्डले पछिल्ला दिन कांग्रेस–एमाले नेतृत्वको सरकार लामो समय नचल्ने अभिव्यक्ति दिँदै आइरहेका छन् ।

‘यो सरकारको जन्म नै अवैध ढंगले भएको छ, सरकार लोकतान्त्रिक मान्यताविपरीत छ । संविधान र जनताको भावनाविपरीत छ । त्यसैले सुरुदेखि नै मैले भन्दै आएको छु यो धेरै लामो जानेवाला छैन ।’ उनले भने ।