मकवानपुरमा बालिका बलात्कार आरोपमा एक जना पक्राउ

हेटौंडा, ११ माघ । मकवानपुरको हेटौंडा उपमहानगरपालिका वडा नम्बर ९ मा ८ वर्षीया बालिकालाई बलात्कार गरेको अभियोगमा ५० वर्षीय पुरुष पक्राउ परेका छन् ।

पीडित परिवारको उजुरीका आधारमा आरोपीलाई पक्राउ गरिएको जिल्ला प्रहरी कार्यालय मकवानपुरका प्रहरी निरीक्षक ठाकुर सापकोटाले जानकारी दिए । 

उनका अनुसार, पीडित परिवारले बिहीवार इलाका प्रहरी कार्यालय पशुपतिनगरमा जाहेरी दर्ता गरेका थिए । जाहेरी परेपछि आरोपितलाई पक्राउ गरेर अनुसन्धान अघि बढाइएको प्रहरी निरीक्षक सापकोटाले जानकारी दिए ।

अनुसन्धान जारी रहेकाले आरोपीको पहिचान नखुलाइएको प्रहरीले जनाएको छ ।