प्रधानमन्त्री ओलीले दिए भारतीय समकक्षीलाई ७६औँ गणतन्त्र दिवसको शुभकामना

काठमाडौँ, १३ माघ । प्रधानमन्त्री केपी शर्मा ओलीले छिमेकी देश भारतको ७६औं गणतन्त्र दिवसको अवसरमा बधाई तथा शुभकामना दिएका छन् ।

सामाजिक सञ्जालमार्फत भारतीय प्रधानमन्त्री नरेन्द्र मोदीलाई बधाई दिदै प्रधानमन्त्री ओलीले लोकतन्त्र र राष्ट्रिय एकताको आदर्श सधैं फस्टाउँदै जाने विश्वास व्यक्त गरेका छन् ।

उनले दुई राष्ट्रहरू बीचको मित्रताको सम्बन्धलाई अझ गहिरो बनाउँदै जाओस् भन्ने उल्लेख गरेका छन् ।

भारतले आज आफ्नो ७६औ गणतन्त्र दिवस विभिन्न कार्यक्रम गरि मनाउदै छ । यस पटकको गणतन्त्र दिवसको अवसरमा भारतले इन्डोनेसियाका राष्ट्रपति प्रबोवो सुबियान्तोलाई प्रमुख अतिथि बनाएको छ ।