बीमा प्राधिकरणका ४ उपनिर्देशकको निर्देशकमा बढुवा

काठमाडौं, ४ फागुन । नेपाल बीमा प्राधिरणका चार जना उपनिर्देशनलाई निर्देशकमा बढुवा गरेको छ ।

समितिको बैठकले उनीहरुलाई निर्देशक पदमा बढुवाका लागि सिफारिस गर्ने निर्णय गरेको हो ।

बढुवा हुनेमा उपनिर्देशक कुन्दन सापकोट, ध्रुव तिमिल्सिना, शाम्भराज लामिछाने र निर्मल अधिकारी रहेका छन् ।

प्राधिकरणको पदपूर्ति सिफारिस समितिले कार्यसम्पादन मूल्यांकन, ज्येष्ठता, शैक्षिक योग्यता र तालिमबापत प्राप्त गरेको अंकका आधार सबैभन्दा बढी अंक पाएका ४ जनालाई निर्देशकमा बढुवामा सिफारिस गरेको  जनाएको   छ ।

बीमा समिति कर्मचारी सेवा सर्त विनियमावली, २०६८ को विनियम ७० बमोजिम बढुवा नियुक्तिका लागि सिफारिस गरिएको समितिले जनाएको छ ।