शुक्रबार ०९ फागुन, २०८१

आजदेखि काठमाडौंका यी ७ ठाउँका सडक एकतर्फी

आजदेखि काठमाडौंका यी ७ ठाउँका सडक एकतर्फी

काठमाडौं, ७ फागुन । काठमाडौंका विभिन्न सात ठाउँका सडकहरूलाई बुधबारदेखि एकतर्फी (वान-वे) बनाइएको छ ।

काठमाडौं उपत्यका ट्राफिक प्रहरी कार्यालयले एक सूचना जारी गर्दै सात स्थानका सडकलाई एकतर्फी बनाएको जानकारी दिए । यातायात आवगमनलाई सहज बनाउन वान-वे बनाइएको ट्राफिकले जनाएको छ ।

यी हुन् वान-वे बनाइएका सडकहरु

१. का.म.न.पा.वडा नं.५ अन्तर्गत थटु मार्गबाट वडा नं.५ को कार्यालय (भीमसेन मार्ग -हात्ती महाँकाल मार्ग -हाँडीगाउँ मार्गतर्फ मात्र प्रवेश गर्न पाउने ।

२. विशालनगर तर्फबाट आउने सवारी साधनहरुलाई भिमसेन मार्ग हुँदै वडा नं.५ कार्यालयतर्फ जान प्रवेश निषेध गरी हात्ति महाँकालतर्फ मात्र जान पाउने ।

३. हाँडीगाउँ हुँदै ढुंगेधारातर्फ सोझो प्रवेश निषेध गरी उक्त सवारी साधनहरु थटु मार्गतर्फबाट पठाउने ।

४. नक्साल भाटभटेनी तर्फबाट आउने सवारी साधनहरु वडा नं.५ को कार्यालयबाट थटु मार्गतर्फ प्रवेश निषेध गरी भिमसेन मार्गतर्फ मात्र जान पाउने ।

५. ढुङ्गेधाराबाट हात्ती महाँकालतर्फ प्रवेश निषेध गर्ने ।

६. वडा नं.५ को कार्यालयको दक्षिणतर्फबाट गहना पोखरीतर्फ प्रवेश निषेध गर्ने ।

७. बालमन्दिर तर्फबाट टंगाल जाने कैलाश मार्गमा बालमन्दिर तर्फबाट जान मात्र पाउने र टंगालबाट प्रवेश निषेध गर्ने ।