२२ किलो गाँजासहित त्रिभुवन विमानस्थलबाट भारतीय नागरिक पक्राउ
काठमाडौं, २० फागुन । थाइल्याण्डबाट आएको २२ किलो गाँजासहित त्रिभुवन अन्तर्राष्ट्रिय विमानस्थलबाट २ जना पक्राउ परेका छन् ।
विमानस्थलस्थित सशस्त्र प्रहरीको भन्सार सुरक्षा बेसले उक्त गाँजासहित दुई भारतीय नागरिकलाई पक्राउ गरेको हो ।
पक्राउ पर्नेहरुमा ४० वर्षीय पुरुष र ३७ वर्षीय भारतीय महिला रहेको प्रहरीका सहप्रवक्ता शैलेन्द्र थापाले जानकारी दिए ।
उनीहरु थाई एयरवेजको उडान नं. टीजी३१९ बाट नेपाल आएका थिए । लगेज भित्र चक्लेटको प्याकेट बनाइ गाँजा ल्याइएको थापाले बताए ।
