सांसद बोहराको शव हेलिकप्टरबाट भैरहवा लगिंदै
काठमाडौं । सांसद दीपक बोहराको शव सेनाको हेलिकप्टरमार्फत भैरहवा लगिँदैछ।
बोहराका स्वकीय सचिव तारामणि चन्दका अनुसार आज दिनभरि उनको शव रुपन्देहीस्थित राष्ट्रिय प्रजातन्त्र पार्टी (राप्रपा) को कार्यालयमा श्रद्धाञ्जलीका लागि राखिनेछ।
चन्दले बताएअनुसार भोलि बिहान बोहराको शव काठमाडौँस्थित राप्रपाको केन्द्रीय कार्यालयमा ल्याइनेछ। त्यहाँ दिनभरि श्रद्धाञ्जलीका लागि राखिएपछि सोही दिन आर्यघाटमा अन्तिम संस्कार सम्पन्न गरिनेछ।
राप्रपाका वरिष्ठ नेता तथा पूर्वमन्त्री बोहराको काठमाडौंको ओम अस्पतालमा उपचारका क्रममा निधन भएको हो। ७६ वर्षीय बोहरा रुपन्देही क्षेत्र नम्बर–३ बाट निर्वाचित सांसद थिए।
