मानसिक स्वास्थ्यको चिन्ताबीच जस्टिन बिबरले ल्याए सातौं एल्बम ‘स्वाग’
पपस्टार जस्टिन बिबरले ‘स्वाग’ नामक नयाँ एल्बम सार्वजनिक गरेर प्रशंसकलाई चकित तुल्याएका छन् । उनको मानसिक स्वाथ्यलाई लिएर चौतर्फी चासो व्यक्त भैरहँदा एल्बम ल्याएका हुन् ।
२० गीत समावेश उनको एल्बममा ड्याड्ज लभ, डिभोसन र थेरापी सेसनजस्ता ट्रयाक समावेश छन् ।
बुवाको मुख हेर्ने दिनमा खिचिएको एउटा भिडियोमा उनले एक फोटोग्राफरसँग भेट्दा यसो भनिरहेको देखाइएको छ, ‘म बुवा हुँ । म श्रीमान हुँ । तिमीले बुझिरहेका छैनौ । यो तिमीलाई लक्षित गरिरहेको छैन । म आफ्नो काममा लागेको छु ।’
भिडियो व्यापक रूपमा अनलाइन भाइरल बन्यो । अब, यो गायकको नयाँ एल्बमको प्रचारको भागको रूपमा मात्र होइन, यसको एउटा गीत, बटरफ्लाइजमा पनि यसको नमुना प्रस्तुत गरिएको छ ।
एक घण्टाभन्दा कम समयको रन टाइमका साथ जस्टिनले ‘स्वाग’ एल्बममा सेक्सी रेड, क्यास कोबेन र गुन्ना लगायत धेरै र्यापरसँग सहकार्य गरेका छन् । यो एल्बमको शीर्षक उनको सन् २०१२ मा रिलिज भएको एल्बम ‘ब्वाइफ्रेन्ड’को हुकलाइन स्वाग, स्वाग, स्वाग’बाट राखिएको छ ।
क्यानेडियन गायकले साझा गरेका प्रचारात्मक फोटोमा उनकी श्रीमती हेली बीबर र उनीहरूको छोरालाई टाउकोमाथि समातेर राखिएको देखाइएको छ । बिबरको अन्तिम एल्बम ‘जस्टिस’को ४ वर्षपछि आएको नयाँ संगीतप्रति साथी कलाकार र प्रशंसकले हर्षोल्लासका साथ प्रतिक्रिया दिएका छन् ।
बिबरको मानसिक अवस्थाको बारेमा प्रशंसकको चिन्ताको कारण पनि एल्बम सार्वजनिक गरिएको जनाइएको छ । हालैका महिनामा, गायकले आफ्नो व्यक्तिगत जीवनमा पापाराजीको घुसपैठको बारेमा अनलाइन धेरै पोस्टहरू साझा गरेका छन् ।
बिबरको विवाह पनि अर्को विवादास्पद सामाजिक सञ्जाल पोस्टपछि चर्चामा आएको छ । गायकले आफ्नी श्रीमतीलाई ‘भोग’ म्यागजिनको कभरमा चित्रित गरेकोमा सामाजिक सञ्जालमा उनीहरू बीचको झगडाको विवरणसहितको पोस्ट पोस्ट गरेर खुशी मनाएका छन् ।
