राष्ट्रपतिद्वारा इजरायलको राजदूतमा पण्डित नियुक्त
काठमाडौं, २१ कात्तिक । इजरायलको राजदूतमा प्राध्यापक धनप्रसाद पण्डित नियुक्त भएका छन् ।
राष्ट्रपति रामचन्द्र पौडेलले बुधबार पण्डितलाई इजरायलका लागि नेपालको आवासीय राजदूतमा नियुक्त गरेका हुन् ।
१४ साउनमा मन्त्रिपरिषदले विभिन्न १८ देशमा राजदूत सिफारिस गर्दा पण्डित इजरायलका लागि सिफारिस गरिएका थिए ।
संसदीय सुनुवाइ समितिले सुनुवाइ सकेर ३ असोजमा नियुक्तिका लागि नाम अनुमोदन गरेको थियो ।
