मनमोहन सिंहको निधनप्रति पूर्वराष्ट्रपति भण्डारीद्वारा दुःख व्यक्त
काठमाडौँ, १२ पुस । पूर्वराष्ट्रपति विद्यादेवी भण्डारीले भारतका पूर्वप्रधानमन्त्री डा मनमोहन सिंहको निधन भएकामा गहिरो शोक व्यक्त गरेकी छिन् ।
“मित्रराष्ट्र भारतका पूर्वप्रधानमन्त्री डा सिंहको निधनको खबरले म अत्यन्त दुःखी भएको छु”, पूर्वराष्ट्रपति भण्डारीले भनिन् ।
उनले नेपाल र भारतको आपसी हितका विषयमा सिंहसँग भएका संवाद सम्झिरहेको समेत उल्लेख गरेकी छिन् ।
“भारतको अर्थतन्त्र सुधारका शिल्पकारसमेत मानिनु हुने प्रख्यात अर्थशास्त्री, शालीन व्यक्तित्वका धनी डा सिंहको निधनबाट नेपालले एक सच्चा मित्र गुमाएको छ । स्वर्गीय सिंहप्रति भावपूर्ण श्रद्धाञ्जली अर्पण गर्दै परिवारमा समवेदना प्रकट गर्दछु”, उनले भनेकी छिन् ।
सिंहको ९२ वर्षको उमेरमा निधन गए राति निधन भएको हो ।
_ubzeMOKn0y_zq3mkkpbnftbvtqmjtc4ttuhxokyfkzmonrgxme8n3aqaky9srosr9lvknxw_JPVovufQES_6ui16gze1o5tfuznyf3lxrgvogkw7euu9uyrm47vyx2myv0atu4cxvvjuuuk.jpg.370x245_q70_crop.jpg
)
