लुक्लाबाट काठमाडौंका लागि उडेको हेलिकप्टरमा चरा ठोक्कियो, आकस्मिक अवतरण
काठमाडौं, १४ पुस । लुक्लाबाट काठमाडौं आउँदै गरेको हेलिकप्टरमा चरा ठोक्किँदा साँगामा आकस्मिक अवतरण गर्नु परेको छ ।
कम्पनीका एक उच्च अधिकारीका अनुसार, हेलि एभरेष्टको ९ एन–एकेजी हेलिकप्टरमा चरा ठोक्किएको र पाइलटले थप जोखिम नलिई सुरक्षित स्थानमा अवतरण गराइएको छ ।
एयरक्राफ्टमा कुनै ड्यामेज भएको नदेखिएको र हेलिकप्टर पुनः उड्ने तयारी गरिरहेको उनले जानकारी दिए ।
हेलिकप्टरमा चालकसहित ६ यात्रु सवार रहेको विमानस्थल स्रोतले जनाएको छ ।
