सर्वोच्च अदालतमा आज सबै मुद्दाको सुनुवाइ स्थगित
काठमाडौं, १४ पुस । सर्वोच्च अदालतमा आज (आइतबार) सबै मुद्दाको सुनुवाइ स्थगित गरिने भएको छ । सर्वोच्चका पूर्वन्यायाधीश प्रकाश वस्तीको निधनको शोकमा मुद्दाहरुको सुनुवाइ स्थगित गरिएको हो ।
सर्वोच्च अदालतका प्रवक्ता अच्यूत कुइँकेलले पूर्वन्यायाधीश वस्तीको अन्त्येष्टीपछि सर्वोच्च अदालतको पूर्ण बैठकले भर्खरै निधनप्रति शोक व्यक्त गरेको र पेशी सूची प्रकाशित भएपछि आज सबै मुद्दाको सुनुवाइ स्थगित हुने जानकारी दिए ।
सर्वोच्च अदालत बाहेक अन्य उच्च र जिल्ला अदालत अनि न्यायाधीकरणमा भने मुद्दाको सुनुवाइ रोकिएको छैन । आज बिहान पशुपति क्षेत्र परिसरको विद्युतीय शवदाहगृहमा वस्तीको अन्त्येष्टी गरिएको छ ।
