जबरजस्ती करणी गरेको आरोपमा काठमाडौंबाट २ पक्राउ
काठमाडौं, १४ पुस । १७ वर्षीय किशोरीमाथि जबरजस्ती करणी गरेको आरोपमा काठमाडौंमा दुईजना पक्राउ परेका छन् ।
प्रहरीले जबरजस्ती करणी गरेको अभियोगमा शनिबार दिउँसो काठमाडौं–३० रुद्रमार्ग बस्ने २ जनालाई पक्राउ गरेको हो । पक्राउ पर्नेहरूको नाम प्रहरीले खुलाएको छैन ।
उनीहरूले ती किशोरीलाई घुम्न जाने भन्दै फकाएर आफ्नो कोठामा लगेर मंगलबार राति जबरजस्ती करणी गरेको उजुरी प्रहरी कार्यालयमा दिइएको उजुरीको आधारमा प्रहरी वृत्त मालीगाउँबाट खटिएको प्रहरी टोलीले उनीहरूलाई शनिबार पक्राउ गरेको हो ।
प्रहरीले उक्त घटनाबारे थप अनुसन्धान भइरहेको जनाएको छ ।
