तोलामा चार सयले बढ्यो सुनको भाउ
काठमाडौं, १५ पुस । सुनचाँदी बजारमा आज सुनको भाउ बढेको छ । आज छापावाला सुनको मूल्य प्रतितोला १ लाख ५० हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
आइतबार प्रतितोला १ लाख ५० हजार २ सय रुपैयाँमा कारोबार भएको सुनको मूल्य आज ४ सय रुपैयाँले बढेर प्रतितोला १ लाख ५० हजार ६ सय रुपैयाँमा किनबेच भइरहेको बताइएको छ ।
त्यसैगरी, आज चाँदीको मूल्य पनि ५ रुपैयाँले बढेको छ । आज चाँदी प्रतितोला १ हजार ७ सय ९५ रुपैयाँमा कायम भएको छ । आइतबार चाँदी प्रतितोला १ हजार ७ सय ९० रुपैयाँमा कारोबार भएको थियो ।
