कीर्तिपुरको चोभार स्वास्थ्य चौकीमा चोरी
काठमाडौं, १७ पुस । कीर्तिपुर नगरपालिका–६ पाण्डेछापस्थित चोभार स्वास्थ्य चौकीमा तीन थान कम्प्युटर सेट र एक थान प्रिन्टर चोरी भएको छ ।
उक्त स्वास्थ्य चौकीमा भएका कम्प्युटर र प्रिन्टर गरी करिब एक लाख २५ हजार रुपैयाँ बराबरका जेन्सी सामान सोमबार राति चोरी भएका हुन् ।
स्वास्थ्य चौकीबाट सामान चोरी भएको भन्दै उजुरी आएपछि प्रहरीले अनुसन्धान थालेको जनाएको छ ।
स्वास्थ्य चौकीकै कम्प्युटर र प्रिन्टर चोरीको उजुरी प्रहरी वृत्त कीर्तिपुरमा परेपछि प्रहरीले अनुसन्धान प्रक्रिया बढाएको हो ।
