माओवादीको स्थायी समिति बैठक आज दिउँसो बस्दै
काठमाडौं, १८ पुस । नेकपा माओवादी केन्द्रको स्थायी कमिटी बैठक आज बस्ने भएको छ । बैठक दिउँसो १ बजे पार्टी केन्द्रीय कार्यालय पेरिसडाँडामा बस्न लागेको हो ।
माओवादी केन्द्रका उपाध्यक्ष एवम् प्रवक्ता अग्नि सापकोटाका अनुसार, बैठकमा आगामी केन्द्रीय समिति बैठकको तयारीलगायतका एजेण्डामाथि छलफल हुने छ ।
माओवादी केन्द्रले यही पुस २१ गते केन्द्रीय समितिको बैठक डाँकेको छ । केन्द्रीय समिति बैठकका एजेण्डा तय गर्न आज पुस १८ गतेदेखि २० गतेसम्म स्थायी कमिटी बस्ने छ ।
यसअघि माओवादी केन्द्रले पुस २ गतेदेखि ७ गतेसम्म केन्द्रीय समिति बैठक बस्ने निर्णय गरे पनि तयारी नपुगेको भन्दै पुस २१ गतेसम्मका लागि सारेको थियो ।
