पिंगलास्थानको एक होटलमा युवती मृत अवस्थामा फेला
काठमाडौं, १८ पुस । काठमाडौंस्थित पिंगलास्थानको बागमती होटलमा एक युवती मृत फेला परेकी छिन् ।
बुधबार दिउँसो होटलको कोठा नम्बर ३ सय ८ मा अन्दाजी २३ वर्षीया युवती मृत अवस्थामा भेटिएकी प्रहरीले जनाएको छ ।
प्रहरी स्रोतका अनुसार, बुधबार दिउँसो ढोका नखुलेपछि स्थानीय जनप्रतिनिधिसहितको उपस्थितिमा कोठाको ढोका खोलेर हेर्दा युवतीको शव फेला परेको हो ।
यस घटनाबारे थप अनुसन्धान प्रहरीले अघि बढाएको छ । जिल्ला प्रहरी परिसर, काठमाडौं, काठमाडौ उपत्यका अपराध अनुसन्धान कार्यालय र प्रहरी वृत्त गौशालाबाट घटनाको अनुसन्धन अघि बढाइएको प्रहरी स्रोतले जानकारी दिएको छ ।
प्रहरीले मृतकका आफन्तबाट जाहेरी दरखास्त लिएर प्रहरी वृत्त गौशालाबाट थप अनुसन्धान कारबाही अघि बढाइएको जनाएको छ ।
