चित्रलेखा यादव अस्ट्रेलियाको राजदूतमा नियुक्त

काठमाडौं, ९ मंसिर । अस्ट्रेलियाका लागि नेपाली राजदूतमा चित्रलेखा यादव नियुक्त भएकी छन् । उनलाई राष्ट्रपति रामचन्द्र पौडेलले आज (आइतबार) अस्ट्रेलियाको राजदूत नियुक्त गरेका हुन्।

संविधानको धारा २८२ को उपधारा (१) बमोजिम मन्त्रिपरिषद्को सिफारिसको आधारमा यादवलाई अस्ट्रेलियाका लागि आवसीय राजदूत पदमा नियुक्त गरिएको राष्ट्रपति कार्यालयबाट जारी विज्ञप्तिमा भनिएको छ ।

गत १६ असोजमा बसेको संसदीय सुनुवाइ समितिको बैठकले यादवलाई अनुमोदन गरेको थियो ।