मेटलाइफद्वारा नेपालका बिकट समुदायहरूमा वित्तीय सचेतना कार्यक्रमको आयोजना

काठमाडौं, चैत २९ 

मेटलाइफ नेपालले आफ्नो जीवन बीमा सचेतना कार्यक्रमलाई थप वित्तीय सेवाहरू नपुगेका समुदायहरूमा विस्तार गर्दै छ, जसले देशभरका परिवारहरूलाई उनीहरूको वित्तीय ज्ञान र लचिलोपन निर्माण गर्न मद्दत गर्दैछ । यो पहल मेटलाइफको कर्पोरेट सामाजिक उत्तरदायित्व कार्यक्रम अन्तर्गतको एक हिस्सा हो र सेवा नपुगेका र दुर्गम क्षेत्रहरुको लागि वित्तीय पहुँच पुर्याउन केन्द्रित छ । यस पहलले दमक, लहान, जनकपुर, कटारी, बेसीशहर, रैनास नगरपालिका लमजुङ, नवलपुर, बारा, बद्रघाट, पाल्पा, सल्यान, दैलेख, जुम्ला, कैलाली र इलामका विभिन्न समूहहरूलाई समेट्नेछ ।

सहभागीहरूले अन्तरक्रियात्मक सत्रहरू र जानकारीमूलक सामग्रीहरू मार्फत जीवन बीमाको महत्त्व र फाइदाहरू सिक्नेछन्, वित्तीय उत्पादनहरूमा पहुँच कम भएका क्षेत्रमा वित्तीय सशक्तिकरणलाई बढावा दिनेछन् । उनीहरू यस कार्यक्रमबाट लाभान्वित हुनेछन् किनभने उनीहरूले आफ्नो परिवार र सम्पत्तिहरू सुरक्षित गर्न, आफ्नो आर्थिक भविष्य सुरक्षित गर्न र अप्रत्याशित चुनौतीहरूलाई आत्मविश्वासका साथ  व्यवस्थापन गर्न आवश्यक ज्ञान र उपकरणहरू प्राप्त गर्छन् । यो पहलले समुदायहरुमा बृहत् वित्तीय समावेशीकरणतर्फको यात्राको सुरुवात गरेको छ ।  

मेटलाइफ नेपालका बारेमा 

मेटलाइफको सहायक कम्पनीको रुपमा संयुक्त राज्य अमेरिकामा दर्ता भएको अमेरिकन लाइफ ईन्स्योरेन्सको शाखाको रुपमा मेटलाइफ सन् २००१ देखि नेपालमा सञ्चालनमा आएको हो । नेपालमा मेटलाइफले उपभोक्ता तथा व्यवसायहरुलाई जीवन बीमा, दूर्घटना तथा स्वास्थय बीमा, र कर्मचारी लाभ (समूह बीमा) जस्ता सुविधाहरु प्रदान गरिरहेको छ ।