८६ बर्षिया ज्योती कोइरालाको गीति संग्रह ’ज्योतीको सङ्गालो’ बिमोचन

काठमाडौं, बैशाख २१

जिवनमा केही कुरा गर्न चाहियो भने उमेर छेक्दैन भन्ने कुरा ८६ बर्षिया ज्योती कोइरालाले पुष्टि गरेका छन् । ८६ बर्षको उमेरमा ज्योती कोइरालाले आप्mनो पहिलो सृजना गीति संग्रह ज्योतीको सङ्गालो’ लिएर आएकी छन् । 

काठमाडौमा आयोजित एक कार्यक्रम बिच पुर्वमन्त्री परिसद अध्यक्ष  खिलराज रेग्मी, बरिस्ठ मुटुरोग विशेषज्ञ डा. भगवान कोइराला, लोकगायक बम बहादुर कार्कीले गीति सग्रहको बिमोचन गरेका हुन । पुरानो स्थानीय लयहरु संकलन गरि गाइएको छ वटा गीतहरु रहेको ज्योतीको सङ्गालो’ मा दीपक शर्माको एकल संगीत रहेको छ । बिन्ध्याबासिनी म्युजिकले बजारमा ल्याएको गीति सङ्ग्रहमा रहेको एउटा गीतको भिडियो पनि निर्माण गरिएको छ ।

कार्यक्रममाझ सर्जक ज्योती कोईरालाले गित र सोको भाव बारेमा प्रस्ट पार्दै ७ दशक अघीको परिवेशलाई यसमा समेटिएको बताए । कार्यक्रममा ज्योती कोईराला र उजका श्रीमान ठाकुर प्रसाद कोईरालाले डा. भगवान कोइरालाको अध्यक्षतामा निर्माणाधीन काठमाण्डौ इन्स्टिच्युट अफ चाईल्ड हेल्थ नामक गैर नाफामुलक बाल अस्पतालको निर्माणका लागि २५ लाख सहयोग स्वरुप प्रदान गरे ।

कार्यक्रममा सभापतिको आसनबाट बोल्दै सर्जकका पति ठाकुर प्रसाद कोईरालाले ज्योती कोईरालाले विहान बेलुका गुनगुनाउने गरेको पाएको र सो बारे कौतुहलता जागेर बुझ्दा लोपोन्मुख रहेको पाएकाले यसलाई औपचारिकता दिदै गीति संग्रह निकालिएको बताए । यस्तै लोक गायक बम बहादुर कार्कीले ज्योतीको सङालोमा तिज भाकाका पुराना गितहरु सङ्रहित रहेको  र उहाँ जस्ता ज्येष्ठ नागरिकबाट हाम्रा लोपोन्मुख रहेका गितको जगेर्ना गर्न सकिने बताए ।