श्रोत नखुलेको ९८ लाख रुपैया ँसहित दरबारमार्गबाट दुई जना पक्राउ

काठमाडौं, बैशाख २८

श्रोत नखुलेको ९८ लाख रुपैया सहित काठमाडौंको दरबारमार्गबाट दुई जना पक्राउ परेका छन् । काठमाडौं उपत्यका अपराध अनुसन्धान कार्यालयका अनुसार पक्राउ पर्नेहरुमा रुपन्देहीको सियारी गाउँपालिका वडा नं ७ घर भएका २८ बर्षिय समिर सुनार र रुपन्देहीको सियारी गाउँपालिका वडा नं ७ नैं घर भएका २९ बर्षिय मिलन बिक रहेका छन् ।  

पक्राउ परेकाहरुको साथबाट ९८ लाख रुपैंयाँ नगद सहित फोर्ड गाडी बरामद भएको प्रहरीले जानकारी दिएको छ । प्रहरीका अनुसार का.म.नपा वडा ५ मालिगाउँमा मिलन बिक समेतका व्यक्तिहरुले हुण्डी कारोबार गरिरहेको छ भन्ने गोप्य सुचनाको आधारमा खोजी गर्ने क्रममा ति व्यक्तिहरु पक्राउ परेका हुन । उनीहरु उपर थप अनुसन्धान भईरहेको प्रहरीले जानकारी दिएको छ ।