पौडी खेल्ने क्रममा डुबेर तीन जनाको मृत्यु

काठमाडौं, जेठ १३

नुवाकोटको बेलकोटगढी नगरपालिका–१० तादिखोलामा पौडी खेल्ने क्रममा डुबेर ककनी गाउँपालिका–४ बस्ने १८ वर्षीय हिमाल तामाङ र रोजन तामाङको शनिबार दिउँसो मृत्यु भएको छ । डुबेर अशक्त भएका उनीहरूको जिल्ला अस्पताल त्रिशुली नुवाकोटमा उपचारको क्रममा मृत्यु भएको हो । 

सुनसरीको दुहबी नगरपालिका–९ छाताबेलीस्थित पोखरीमा पौडी खेल्ने क्रममा डुबेर गढी गाँउपालिका–१ बस्ने बैजु रिषिदेवकी छोरी ८ वर्षीया पवित्रा रिषिदेवको शनिबार दिउँसो मृत्यु भएको छ । डुबेर अशक्त भएकी उनको बिराट टिचिङ अस्पताल टंकीमा उपचारको क्रममा मृत्यु भएको हो ।  यस सम्बन्धमा प्रहरीले आवश्यक अनुसन्धान गरिरहेको छ ।