राष्ट्र बैकले रोक्यो, दुई वटा भुक्तानी प्रदायक कम्पनीको बैंक खाता

काठमाडौं, जेठ २२

नेपाल राष्ट्र बैंकले दुई वटा भुक्तानी प्रदायक सेवा कम्पनीको खाता रोकेको छ । भुक्तानी सेवा प्रदायक कम्पनीहरु पेवेल नेपाल प्रा.लि., अनामनगर, काठमाडौं र सजिलो पे पेमेन्ट सर्भिसेज प्रा.लि., बालुवाटार, काठमाडौंको खाता रोक्का गरिएको राष्ट्र बैंकको भनाई छ ।  

ति कम्पनीहरुबाट भईरहेका कारोवारहरु नियामकीय अनुपालना सम्बन्धी छानविनको क्रममा रहेको हुँदा उपर्युक्त संस्थाहरुको बैंक तथा वित्तीय संस्थामा रहेका खाताहरु अर्को निर्णय नभएसम्मका लागि रोक्का गरिएको हो । यसबाट ग्राहकहरुमा पर्न जाने असुविधालाई सम्बोधन हुने गरी यथाशीघ्र छानविन सम्पन्न गरिने जानकारी राष्ट्र बैंकले दिएको छ ।