मेलम्चीमा आएको बाढीले अस्थायी पुल बगायो
![मेलम्चीमा आएको बाढीले अस्थायी पुल बगायो](https://snowberry.prixacdn.net/media/gallery_folder/hyum_pI50W2ZCtN_lhtd6tlny1grst5zuhtynrsikg1in5ftjfogmjzz2ykn65fss6k6ccx3itfa_Fc1muZsBYJ_vimqm36vmzdq81hpndjfsvpzgdppmpamm296wpsrlvlakxk6pydurpgdsesg.jpg)
सिन्धुपाल्चोक, १० असार :
गए रातिको वर्षापछि आएको बाढीले मेलम्चीमा अस्थायी पुल बगाएको छ । मेलम्ची नगरपालिका–११ स्थित फट्टेमा अस्थायी पुल बगाएको मेलम्ची नगरपालिकाका प्रमुख आइतमान तामाङले जानकारी दिनुभयो । विसं २०७८ को बाढीले पुल बगाएपछि सो स्थानमा ह्युमपाइप राखेर अस्थायी पुल बनाइएको थियो ।
मेलम्ची बजार र मेलम्ची नगरपालिकाको वडा नम्बर ७ र ८ तथा पाँचपोखरी थाङपाल गाउँपालिकाका वडा नम्बर १ र २ तथा हेलम्बुको केही वडालाई सो अस्थायी पुल जोडेको थियो । पुल बगाउँदा वडाभित्र नै एक गाउँबाट अर्को गाउँ जान अहसज भएको छ । मेलम्ची नगरपालिकाका प्रमुख आइतमान तामाङका अनुसार वर्षा सुरु भएसँगै रातिको वर्षाले पुलमा क्षति पुगेको जनाउँदै अब ह्युमपाइप झिकेर सुरक्षित राखिने बताउनुभयो ।
राष्ट्रिय समाचार समिति (रासस)